سارية القلم ✍️للشعر والأدب

وليه بنعيشها كدا علي طول

متيجي نعيشها بالمعقول

تقولي حبيبتي وحياتي

وانا هقولك ياناس عسول

...... 

متيجي تكون لي سهرايه

َواكون لك سر ما له قرار

نعيش فرحتنا ودوانا

نكون انا وانت جوا الدار

...... 

متيجي تجيبلي وردايه

تلاقي مني ضحكايه

متيجي نكون كما قالو

مفيش بيني وبينك طار

..... 

 صباح الحب يا غالي

واهمسلك بأحلي كلام

ومش هسال لفين رايح

ولا حتي هترجع كام

واسيبك تيجي علشاني

وفرحان بيا وبتضحك

...... 

متيجي نحلها ودي

ونتعشم في وقت خفيف

ونتمسك كدا ب دينا

وندعي رب لطيف

..... 

ونجمع ولادنا حوالينا

نحاول حل مشاكلنا

ونشرب شاي ونستمتع

ياريت نسمع صدا قلوبنا

ونتحاور بديل لخناق

ونتمادي في افراحنا

بدل منجيب معاها فراق

..... 

تكون حياتنا جوانا

وجوانا حياتنا هناك

وحبي ليك يعمر بيك

وحبك ليا يحميني

واكون لك ضل وقت الحر

وفي عيونك تغطيني

ولو هغلط في يوم انت

بتعليمك تكفيني

عزه السيد