راني داعيك للشرع يا غتابي....عند الله نتحاسبو
نشرعك وانت تسببت اعذابي.. والشر يلقا صاحبو
نقرا لك بواش عمرت اكتابي.. .وكتابي انت كاتبو
من دار الخير فالخلايق متربي ...ربي يوفي مطالبو
ومن دار الشرفالخلايق وذنوبي... فالهم غاسو امخالبو
كاين من ناس عاش في ظل الصحبي ....الصاحب يعدي صاحبو
كاين من الناس من تقييم بشبابي ...واصبح كبرو غالبو
النفس مع ابليس زادو تطنابي....عاد ضميرو معاتبو.
عيطا من خان خوه والعب لعوبي.... من كاس الغدر شربو
ما يحفظ ود لا محبة لاصلابي....اجفاه ولا تقربو
والساعي فالحياة طالع ومدربي ...والخير يلقى مراتبو
قلبي مقسوم بين ناسي واحبابي ...ضري كثرو اسبايبو
راح الزهو مالقلوب غابت اطروبي...ذا الوقت كثرو اعجايبو
واللي تحكي يقولك ذا مكتوبي...ما نقدر ما نعايبو
غابت رياحها وادرق اهبوبي...قلبي غرقو مراكبو
يا غافل ذا زمان وعلاش تخبي...والعبد كثرو مشاربو
ولى حملي ثقيل فرغت اجيوبي...بنادم كثرو مصايبو
اتلايم هم العباد واضحى محبوبى....وكي يسالني نجاوبو
مكانش في الحياة من اوقف جنبي...كيف الهم لصاحبو
ادعيتك يا الله تقبل اجوابي ...غفران انا طالبو
جلول قيايدة
ليست هناك تعليقات:
إرسال تعليق