مقسى قلبك يا حنييين
حني لاه اليوم قسحتي
م حنانك ماشفت اثنين
وبحنانك بقلبي فزتي
قال انتيا نور العين
بين اسود وابياض سكنتي
حني على قلبي مسكين
كي ڨلت انحبك اجحدتي
رايي تالف بين وبين
بين ارضاك وبين سكتي
ناوي نكمل نصف الدين
وما يكملي غي بيك انتي
ڨولي واه نجي فالحين
ونلبيلك واش طلبتي
ڨلبي عندك في كفين
تحيا روحي كان قبلتي
يامحنتي روحتي وين
هاڨوليلي واشتا ڨلتي
واه ولالا ذو حرفين
وين الحرف للي خيرتي
قتلو :
يا ساكن سواد العين
وملكت القلب وكبدتي
خايف مانوفي بيمين
وتڨول امحبوبة خنتي
ويكون جوابي سكين
تضحى سيا في رقبتي
يتقسم ڨلبك شطرين
همك ويزيدو محنتي
تعاهدنا والعهد متين
يا دنيا وعلاه عكستي
ضيعتيلي حب سنيين
كي جينا للصح خدعتي
درت حاجز بين اثنين
بين توام الحب فرڨتي
ظنيت تساليلي دين
ولا من فرحتنا غرتي
خليتيلي ڨلب حزين
يا فراڨة واش ربحتي
ما نسمحش ليوم الدين
عزيتي ڨلبي ودفتني
عزيتي قلبي ودفتني
عزيتي قلبي ودفتني
حبيبة الحرف حنيييييييين
مبدعة دائما دمتي يا شقيقة الحرف ودام نبضك
ردحذف