ولا تغرك هاذ الدنيا ياإنسان
حال الدنيا ياك راهو يتبدل
ولا يغرك زهوها وانعل شيطان
كذا من واحد عشى متبهدل
بعدن كان مولى مال وشان
كثرة المال والصحبة راها تجهل
وفتالي تلقى روحك غلطان
خوذ الراي زين لبعيد يوصل
وصوم وصلي طاعة للرحمن
سيدي ربي جيتك لامري سهل
راه القلب من الدنيا تعبان
يا صاحب الجلالة يالله المتعال
يارفع السماء على الارض بلا عمدان
ياربي ياخالقي جيتك بطلبي اتقبل
فرج على الي من أمره حيران
جاهيتك يالله بخاتم الرسل
سيدنا محمد المصطفى العدنان
راها حاجة فقلبي باغية تتجول
ارزقنا ياربي من خير الجنان
وعليلو من جاب قوله يحلل
طالبك يا سيدي تفتحلنا البيبان
وصلاة وسلام على خير الرسل
شفيعنا محمد ضو لعيان
بقلمي🖊 عليلو جمال الدين
ليست هناك تعليقات:
إرسال تعليق