خطفتني خطفة بين ليلة و نهار
و حبي للعارم ما لقيتلو تفسير
ذا العارم بنت الصحرا من لحرار
قد مانوصفها ما عندي تعبير
رب يلاقينا اذا طالت لعمار
نقصدها و نشوفها و لي صار يصير
شق ورقلة القصة يا حضار
نفرفر ليها كي الحمام منين يطير
كي الذهب يقيهوه الناس الكبار
و قلبها طيب مثلو خيط حرير
عرشي مجاجة و ناسي من الثوار
بنت بلادي بنت الدلول و بنت الخير
قصتي نحكيهالكم يا حضار
انا غير شاعر لاني فقيه و لا وزير
الحب و المحبة تشبه محل العطار
و الي يطيح فالغرام يرجع اسير
شكون ارسلها فالعشق نوضتلي لضرار
من حجيرة لشلف قولو لي واش ندير
يا العارم اخترتي و انا قلبي ختار
و رجعت لزماني بعد لي صرت كبير
بان شيبنا يا حسراه كي كنا صغار
و الشيب ماهوش عيب كما حب يدير
نقصد فالسمرا مكحلت لشفار
عرش ولاد سي احمد اهل الحنة و البندير
الحكماء وصفو شيبنا بالوقار
و الحب ما يفرق بين غني و الفقير
يا الحبيبة من غيرك نكملها في لمرار
انتيا حبي و محبتي و عزي و انتيا كل الخير
بقلم الشاعر عبدالقادر بوجلطية...الشلف
ليست هناك تعليقات:
إرسال تعليق