** الفاهــيمي **
01 – اِذَا بْغَيـْـتْ لّلـﭬَـــــــــوْلْ تَفْهَمْ
** فَتَـشْ مَــا بَيْــــــــنْ اّلسْطُورْ
02 – اّلبَايَــــنْ اّلكُـــــــلْ لِيــهْ فَاهَمْ
** وَالّلِي هُوْ شِيخْ مَهُوشْ مَحْيُورْ
03 – وَاّلخَافِــي يَعَلْــــــــــمُو اّلعَالّمْ
** وَاّلفَاهَـــمْ يَفْهَــمْ لُغَـةْ اّلطْيُورْ
04 – سَــوَّلْ اِذَا بْغَيــــــــــتْ تَعْلَمْ
** وَاّلمَتْكَبَـــــــــــرْ ذَاكْ مَغْرُورْ
05 – مَا خَــابُو مَنْ جَالْــسُو اّلعَالَمْ
** وَاّلجَاحَدْ وَاّلحَشْمَانْ مَضْرُورْ
06 – لْمَتْكَبـَّـرْ عَلْى اّلشْيُــوخْ ظَالَمْ
** وَاشْ يَجِيـبْ الساقيـة لبحور
07 – وَاشْ يْجِيــــبْ عُــودْ فَاحَمْ
** لّشَجــْـرَةْ مْنَـــورَةْ بـّــزُهُورْ
08 – مَـــــــنْ جَالَــسْ لَخْيَـارْ سَالَمْ
** مْعَطَّـرْ بَاّلمَسْـــــــــكْ وَبْخُورْ
09 – لَا تْكُـــونْ لّلغَيْـــــــــــرْ شَاتَمْ
** بَاّلفَعْــــــــــــلْ اّلشَيْــــنْ مَذْكُورْ
10 – ذَاكْ اّلفَعْـــــــــلْ عْلِيــــهْ نَادَمْ
** وَتْفَكَـــرْ لّا تْعُــــــودْ مَدْحُورْ
11 – وْكُونـَـــكْ لسّـــــــــــــــرْ كَاتَمْ
** مَــــــــا بَيْـنْ اّلنـَــاسْ مَسْتُورْ
12 – اّلّنَمَــــــــــــــــــــامْ ذَاكْ ظَالَــمْ
** مَا يَنْجَــى مَـــنْ لَـــــظْ لَقْبُورْ
13 – اّلفَــارَسْ لّعَـــــــــــــودُو يْلَجَمْ
** وَيْسَـرَجْ لَا يْعـُـــــــــودْ مَدْبُورْ
14 – اّلصَيَـــــــــــــادْ لَسْــلَاحُو يْلَقَمْ
** وَاّلزْنَــادْ لَا يْكُــــــــــــونْ مَكْسُورْ
15 – هَــــذِي لَيْـــكْ اِذَا بْغَـيْتْ تَفْهَمْ
** اّلـلِــي بَرْجَــــــــالُو ذَاكْ مَنْعُورْ
16 – اّلحَـــاذَڨْ بَاّلغَمْـــــــــزَةْ وْيَفْهَمْ
** وَاّلمَرْضِــي مَا يْكُـونْ مَحْـﭬُورْ
17 – مَـــا تّعَلمّـــتْ نْكُـــــــــونْ شَاتَمْ
** مَانِـــي طَعَـــانْ فِّـــــي اّلظْهُورْ
18 – مَانِي عَلْــــى اّلغَيْـــــــــرْ حَاكَمْ
** اّلعَبْــدْ اّلضَعِيـــــــــــفْ مَسْتُورْ
19– حَامَــــــــــــدْ رَبِــــــــــــي اّلعَالَمْ
** فِـــي ظَهْـــــرِي جْبَــالْ وَبْحُورْ
20 – مَرْضِـــــي اّلوَالْدِيــــــــــنْ سَالَمْ
** شَاكَـــــــــــرْ رَبِــــــــي اّلشَكُــورْ
21 – اَنَــــايَـــــــا لَشْيُوخِــــــي مْسَلَمْ
** مَــنْ جَالَسْهُـمْ يّعـُـــــودْ مَسْرُورْ
22 – اّلحَـاجْ طَاهَــــرْ لّلـﭬَـــوْلْ يَفْهَمْ
** وَاّلحَاجْ سْلَيْمَانْ سُلْطَانْ لَبْحُورْ
23 – بْرَحَمْتَــــكْ يَــــا رَحْمَـــانْ تَرْحَمْ
** اّلسَامْعِينْ وْ مَــــنْ سَكْنُو اّلقُبُورْ
24 – فِـــي ﭬَولِـــــي مَـــا نِيـــشْ آثَمْ
** مَسْتَغْفَـــــرْ لّلعَالِـــــــــي اّلغَفُورْ
25 – خَالَــــــــــــــقْ حَـــــــــوَاء وْآدَمْ
** اّلزَاحْفَــــةْ اّلعَايْمَــــــةْ وَاّلطْيُورْ
26 – يَـــــــا رَبِــــــــي وْلِيــــــهْ تَرْحَمْ
** مَــــــنْ كَاتَـــــبْ بَاّلحَبْـرْ سُطُورْ
27 – جَمَـــالْ فِّــــــي اّلـﭬَـــــوْلْ نَاعَمْ
**جَلَالِــــــــي شْرِيـــــــــفْ مَنْعُورْ
28 – وْزِيــــــنْ اّلـﭬَــوْلْ بِيـــــهْ نَخْتَمْ
** بَرْوَايَــــــحْ فَايْحَــــــةْ وَعُطُورْ
29 – يَــــــا سَامَــــعْ صَلِــــــي وْسَلَمْ
** عْلَـــى زِيـــــنْ اّلصِفَـاتْ وَاّلنُورْ
30 – مُحَمَــــــــدْ اّلنَبِــــــــــي اّلخَاتَمْ
** شَفِيـــــٕعْ الّاُمَـــــــةْ اّلمَـــذْكُورْ
31 – اّلصَــــلاَةْ وَسَــــلاَمْ عْلِيهْ دَايَمْ
** طـَــــــــهَ سِيــــــدِي اّلمَنْصُـورْ
ليست هناك تعليقات:
إرسال تعليق