01-بسم الله نبدا نكتب ونظم
انصلي عالسيد الخلق و سيد البشر
02-على نبينا اللهم صل وسلم
نبينا نبي المهداة أنبي لآخر
03-وصانا عالوالدين فالحََديث ذْْكرَهم
يالميمة سجرة ظليل ضي المبْصر
04- وليت من ذاليوم نرجف و نحشم
يوم حملتيني في بطنك 9أشهر
05 المخاض تحملتي و بطنك يزحم
عليك نكتب وانا ڨلبي يـثـرر
06-عامين صبايا من صدرك نفطم
ياميمتي شحال تعبتي عليا فا لصغر
07-ڨلبك فراشي كبدتك مكاني ثم
أحنانتك غطايا و منايتك فيا نكبر
08-أمحبتي ليك ربي بيها يعلم
أوما نعملك مانطيڨ نڨلبلك الخَيْر
09-في جنان العزْ عزَّك دايم
خايف أيلا نكون معاك مقصر
10-انبوس يديك و نزيد كل قدم
أنتيا بْصيرتي و نتيا ڨاع العمر
11-كي نمرض ڨلبك يسهر متألم
بيا تحسي يالميمة حالك يتأثر
12-نفـرغلك ڨلبي أمعايا تقسمي اللهم
ليا تنصتي من غيرك شكون يعذر
13-الكبدة كبدة ما فيهاش عظم
كون فطين يا لمغرور و تفكر
14-اصحى و فيق مالغفلة يا بنادم
لا تغلط و تخلي الشيطان بيك يُغرْ
15-اوزن كلامي فيه تمعن وخمم
طيع و رفق بالوالدين لا تتمشرر
16-فالتالي راهو ما يفيدك الندم
أالله يحفظنا من دعوة الشر
17-بكل مال دنيا الميمة ماتتساوم
يا لميمة نخدمك طول الدهر
18_سجرة اظليل طاعتي واجب ولازم
ميمتي ميمتي أنڨولها و نكرر
19-يا وجه الخير زينة المبسم
اركيزة الخيمة قلبك واسـع بحر
20--بين احضانك نتلاح ريحتك نشم
في جنان حنانتك نتجول و نتعطر
21-يامفتاح جنتي و حجابي من جهنم
رضايتك مفتاح كل باب متعسر
22-رضايتك المايلة تتعدل وتسڨم
العوجة تتصوب و الهاملة تنجبر
23-أنا اكبدة في كبدتك واجبي نفهم
مُحال عندك انهون وتبغي لي المضر
24-دنيتي بلا بيك الدار تظلم
بغيابك يـا لميمة كل شي مُر
25-يـا سايل سال دار المتَيَتم
اليتبم يعيد عليك ويعطيك الخبر
26-تلقاه حزين من فراق الأُم
يتوجع العين بدموع تحدر
27-يـا خاوتي افهموني بالله عليكم
وصايتي نڨولها لجميع من حضر
28-أوصايتي الكل خويا امسلم
طيع الوالدين قـبـل أيـًلا تطـفر
29-الوالدين برنوس ياشومي من خسرهم
على فراقهم الڨلب مايطيڨ ويقدر
30-يـا لميمة زينة الوجبة و المْلمْ
ان شـاء اللـه اطـول الـعـمر
31-انا ونتي نقصدو. زين المرسم
قبر النبي اشفيعنا يوم الحشر
32-بصلاة على الرسول كلامي نختم
طلبتك يـالله لجميع المومنين تغفر
اللهم صل وسلم على نبينا
بقلم الأخ. م.أحمد قلم تل
ليست هناك تعليقات:
إرسال تعليق