--------------------/
( لست ادري هل الكل يشعر بالمأساة كما أشعر بها شخصيا.؟)
(أجد في الغيوانيات متنفسا أفرغ فيه كل شيء أشعر به. نعم
إنه متنفس نبوح فيه بكل حرية..آمالنا أحلامنا هويتنا وضعنا
من نحن.؟ لقد طرحت هذا السؤال اكثر من مرة لغاية ما.!)
( من الغيوانيات)
يا صاح يا صاح
نحكي لك ما راح
راني بين جدبة اوجدبة
لعدو يلعب رجعني لعبة
انت يا الغافل تالف.!
واش حالف اتخالف؟
يا صاح يا صاح
راني
امهول....يا صاح
راني من حملة الحملة
عدياني قلب لا رحمة
مجرور مبيوع جملة
والواد أدٌاني شطبة
فينك يا الخو عفاك.؟
احديدهم سربة سربة
اجلاني استعمر تربة
و العايش فينا غربة
وين العاهد
وين لمحبة.؟
راه دخانهم يعمي لعيون.!
فينك فينك يا الخو عفاك؟
*ضربة على ضربة والجرح اللٌوَلْ ما برا.!
عايش ف قلبي
يحفر وايزيد.!
والله لا انسيت
أيٌامُو سَوْدَة.!
راه العَوْدَة........أبْلاَ عودة
علقوني من اشفار العين
قتلوني مرة
مرة و اثنين
طلبت منهم الرحمة
زادوا زحمة فِ زحمة
ارجعت هارب بلا رجلين.!
راح الأصل راحت أصول.!
* واش ليام ودعت امشات.؟
يا من يرحمني بشربة؟
نحكي لو احكاية تربة
و العيشة عيشة غربة.!
يا صاح يا صاح
نحكي لك ما رَاح
نحكي فاعشية واصباح
نحكي كالطير الوضاح
لا اتدوخ ابكيسان الرٌَاحْ
خليك فايق تسمع.!
اتشوف عينك تدمع!
هذي حكاية طالع
هذي حكاية هابط
لو تعرف...سرها تفهم
يا بو اعقل سير خمم
( قد أحكي وغيري كذلك يحكي و شهرزاد لا زالت تحكي
إن الحياة كلها في نظري وقائع وحكايات يسجلها التاريخ)
ذ/ العابد عبد الرحيم : 26/02/2023
ملهمتي الفقيه بن صالح المغرب تكتب للجميع
