غير البارح نضت من نومي مفجوع
نضت نبهز والمكالب تتنابح.
شفت زقوقن جات بالوصف المصنوع
عواوة والناس منها تتشاطح
ذا هارب هذاك مبهوت ومصدوع؟!!
خالوطة فيها الرقبة والجايح.
ماتفرز شجيع من لي هو مخلوع
ماتحصي فيها المرو من الڨارح
هاهو مخي عاد خارج ع الموضوع
واقيلا؟؟ روٌحت لفراشي فارح!
قيس الربعة جايني ترڨو مدفوع
واروى لي قصة على سمعي ناصح
يابوراس الشيخ مالك قي مضبوع
راه الخوف يبان من وجهك واضح
هاك مضاري باللباڨة هاد الروع
والناس الڨالڨين كنت لهم ناصح
وانا راني كيفكم ثاني مفڨوع
هاني قي مرسول ليكم ونشارح
راه الذل مع النذل فيكم مزروع
والرشوة والزور كبرت تتڨادح
راه كثر الحرام بيكم كم ونوع
الجاهل م الفوق والعالم طايح
ولد العشة بان في صوتو مسموع
ولد الخيمة مال قنطاسو زايح
حتى بانا بنت ليكم قي مهدوع
وهداديعي تبان بالعين تلاوح
كلش شفتو فيه مقلوب ومخدوع
وهربتوا من واقعي وانا سايح
انا هو الحق في الهانة والجوع
والباطل تهدوه ياناس مسامح.
نتخفى فالليل ونغني مرجوع
ونجيكم عقب الليالي ونصابح
نتملص ونحط روحي بين القوع
نتغمس في دور درويش ونايح
نبكي هاذ الوقت خلاني مصفوع
نتفكر فيها النسر، اللي، جارح
هاهو ذل وعاد بوزرنن مرفوع
والهامة ولات تحكم و ترايح
عسل الشهدة راه مبخوس ومقلوع
والبوفجعة ببن تجار، مرابح..
...... الخ..... الشاعر بوراس الشيخ
