لما بوحت بحبي ليك
فتحت قلبي سكنت فيه
اول حب في حياتي
جيت وقلقت منامي
لما حلمت يومها بيك
سهرت ليلي اناجيك
القمر سألني عليك
فين حبيبك سيبتوا ليه
قلت هي كل عمري
حبي ليها مش بأمري
شاغله قلبي ووجداني
هي دنيتي وزماني
هي. شمسي هي قمري
هي أملي والأماني
شاغله بالي ليلي ونهاري
اليوم شفتها فى منامي
بوحت ليها بهيامي
أجمل لحظات أيامي
لما شفتك ياغرامي
كان دا حلم ولا خيال
بحلم بيك وأنا وياك
كل دا مر فى ثواني
والقمر أزاي سألني
واحنا فى عز النهار
شمس طله على شباك
وقلبي دايب فى هواك
من كتر حبي بحلم بيك
بحلم بيك وأنا وياك
(((أسامه جديانه)))
ليست هناك تعليقات:
إرسال تعليق