الحلقة شلى وجوه دازت ياك اهنا
وزمان كانت ف جامع لفنا
ياك حلقة تنسيك في ختها
كل ودوقها وحلاوتها
وشحال نسينا ديك سخرة
وشحال من مرات ومرة
شي بكلام يسحر ك يديك
شي بقرد مدرب وينسيك
نرجع بكدبة راسمها البال
كل ماجاب ليا داك لخيال
احكايات هفوية تحضر
والناس تسمع والعين تنظر
قدامك مسرح ماموالفو
ياك ساعتو تقسم ماتخالفو
تسمع للي مايجيك ف البال
ياك كل مرة في قصة وحال
ياك تمتعنا في صغرنا
ودروس نسينا محفطنا
عند الاسثاد كلنا دقات
شلى والحلقة ماتلفات
مابقات غير دكرايات بعدة
والوقت كان سريع كالرعدة
ايام لحلاقي ا زوينة
بيها ياك شحال تبلينا
حلقة ياك كانت لينا ونيس
ومعلمها راوي وجليس
ملي يحكي يجلب لعقول
لاحد يضاهيه عارف مايقول
بقلم صقر الحروف الزجال المحجوب بوسبولة
ليست هناك تعليقات:
إرسال تعليق