سارية القلم ✍️للشعر والأدب

وجاي تسأل تقول مالك

وعايش الدور

انا مش جاريه علشانك

ولا مركونه على رفك

...... 

ولا فقرة ف اخر السطر

نسيت دايما بأنك شطر

وواجهه لعصر متفاخر

بأن رجاله فوق الكل

وان الست رمز الذل

وان وجوده سيد الكل

..... 

انا مش حلم وحذفته

انا مش وقت انا دايمه

انا من صغري معروفه

انا في ضهرك انا قايمه

... 

...انا قادره على الإنجاز

مش سلسال بقلب ازاز

انا شرياك لو توفي

وبيعاك لو تكون خاين

ياخساره هسيب ببلاش

لان البيعه ماتسواااش

ولا لجرحك رباط من شاش

..... 

انا شيلتك وشيلت

الشيله عن روحك

أنت شايفني ولا حاجه

دي وجهة نظرك المبتوره

وافكارك المأثوره

وعله ف اساس روحك

وفاكر انك اساس ومتين

وانت من غيري بيت من طين

..... 

َانا وانت بنينا الدار

في وسط النار

انا شريكة عمر

وليا قرار

....... 

دي رب الكون بيجازي

ومقالش رجال بحساب

ومينفعش بينا عتاااب، 

وحسابي يكون غيرهم

انا وانت جزاء الخير

هنا واحد

وغلط الغير يكون محسوب

علي واحد

فخد بالك حسابنا

يوم الدين حساب واحد

 عزه السيد 💕 💕 💕