سارية القلم ✍️للشعر والأدب

#من_كلماتي

شهدتلي لــيام والعقــل دايــم مرفــود ...

حاسـد نفسي شايــف كلامــي متــودر ...

ذا لمنــام فـــي مراحــي عــاد يســــود ...

ظاڨت نفسي حاسها مسجونة تتحصـر ...

ماني طامـع فــي يــوم الصـــح يعــود ...

كي الطيــر الحــر في هــواها يتبختــر ...

الوجه الصافـــي متلثم ما فيــه قيــود ...

والحافــي مــوحال يبقا حالــو يتنجــر ...

عام يجيــك مليــح والباقــي محــدود ...

تتصنف من بين هواها بكلامك وتعبــر ...

ليلة مـــن ليــلات بــردك تتحط بــرود ...

والمزود نفاخ يتباها بصوتـــو يتصــور ...

نغمة ڨعدت وذن الڨصاب فيـه خــدود ...

طال الحــال وركــب خيلو زار قصــور ...

مبنية بخصـال رجالــها عاليــة برفــود ...

والطرحة ضيفت من جاها قاصد يدور ...

صيفة نايلي حط ركابو يوم المقصــود ...

عــازم للتاريـــخ يقــراه بيـن سطــــور ...

حرف #النون بعد القانون فيه وعـــود ...

والحاكم شد لجام يقطـع بيــه بحـــور ...

تترامى لقدار عاد للخوف بيــه يجــود ...

سيف لمحنة شايع محمول فيه سحور ...

حربي من بهزات يـــوم الصــح يقـــود ...

من كان مهزوم زلت ردموها في قبــور ...