خليني نغدا نجرب يا الطالب...نسووق سوق النسا ونشوف الحال
ماني قادر عليك نكذب يا الطالب...تخبل غزلي ومسني انسيم اهبال
ادخلت المشوار نلعب يا الطالب...شهدو لي فرسان قالو ذا خيال
وانا بيني وبين نفسي لا معذب يا الطالب...ما قديت نشد روحي ذا موحال
اكسبت من السوق مكسب يا الطالب...وعل الخرجة راح من راس المال
اخرجت بيدين تضرب يا الطالب....على وجهتي تقول افطن راح الحال
نحكي لك ميدان صاعب يا الطالب....واش ندير لحالتي راني سوال
جلول قيايدة
ليست هناك تعليقات:
إرسال تعليق