شعر / أحمد عبد الرازق الزعويلي
مش هنسي ولا هسامح يوم
كان غدرك يزيد يوم بعد يوم
مفكرتش يوم في حالي بعدك
ولا صدمتي أنا واللي عرفك
كنت اشوف الفرح من نظرة عنيك
مكنتش انام غير لما تغمض عنيك
وافضل ابص في وشك يمكن تصحا
وأشوف منك لمسة ايديك
كنت ارجع من بره اجري عليك
حسيت صوتك يندهلي اترمي بين ذراعيك
وحسيت روحي مرة تتنفس من رئتيك
ورحت مع الايام وهنت عليك
يا ترجعلي قلبي يا تقتل وجدي
اللي هايم ف الدنيا يدور عليك
مين قال اللي يحب ميكرهشي
دا يكره ف الدنيا قلبك واللي حواليك
يا ليل الصبر وتنهيدة فجر
اتمني ما يطلع بكره عليك
لا بعيد الشر عن روحك وعنيك
عيش وإنساني وما ترجعش تاني
خلاص خدت اللي فاضل ليك
كان فيه دقتين مع القلب راحوا
وكان فيه قلب خايب سمع عن الحبايب
وافتكرك منهم لكن انت جنيت عليه
مش قادر اصدق انك سراب سعيت اليه
هجرت خلاني وبعت وجداني ما سألت ليه
نفسي ما اشوفك ولا المح طيفك
في طريق ف شارع أنا صعبت عليه
راح يواسيني ويقولي خلاص باع
ما كل خاين يخطف مشاعر ما يصنهاش
هيفضل اناني والبوصلة تاني
مش هتدور خلاص عليه
إن راح شرق روح غرب مش كل القرب
بيصنع حب يبقي أو يصعب عليه
احمد عبد الرازق الزعويلي كاتب وشاعر مصري وعضو الاتحاد الدولي للشعراء والأدباء العرب وعضو الاتحاد العالمي للصحفيين والكتاب والشعراء والإعلاميين ومراسلي الصحف بلندن
ليست هناك تعليقات:
إرسال تعليق