إهداء إلى الشهيد/ محمد صلاح
كلمات / منصور عياد
الشهيد عل الجنه رايح
يا هناه والدم سايح
نبكي عليه ونفرح
دا هوّ دا اللي رابح
جنة الرحمن تنادي
ازْرعوا الخوف فِ الأعادي
واكتبوا العز لأهلي
ولحبايبي ولبلادي
الدموع دي يا أمه ليه
والسعادة قد أية
دا النعيم اللي بعيشه
يوعدك ربنا بيه
الشهيد عل الجنه رايح
يا حبيبي ليه تسيبني
هان عليك البعد عني
يحلى عمري وانت جنبي
د أنت نور عيني وسندي
وازاي نفرط يوم في حقك
وأنت رايح ترضى ربك
تحمي بيتك تحمي أرضك
والتمن كان روحك ودمك
الشهادة عز لينا
والفراق صعب علينا
مهما نفرح غصب عنا
الدموع تِملى عِنيننا
الشهيد عل الجنه رايح
يشهد دمه اللي سايح
نبكي عليه ونفرح
دا هوّ دا اللي رابح
ليست هناك تعليقات:
إرسال تعليق