عمرى اللى راح ويا الجراح من غير تمن ..
مين ضيعه ؟
قلبى اللى داب ويا العذاب ف سنين شجن ..
مين ودعه ؟
إبعد بقى ضيعت فرحة دنيتى
عمر لقاك مايرجع ليا بسمتى
ميهمنيش أني هبدأ بالوداع
إزاي أعيش مع قلب إتعود ع الخداع
كفايه عندى أتحرر من قيودك
كفايه أبطل أنتظر حتى وعودك
بكره الحياه تبتسملي ..
وبالأمل أحطم كل السدود
بكره الشمس تشرق لقلبى ..
ودفئها يملى الوجود
بكره تندم ع السعاده اللى سلبتها ..
من القلب الصافى الودود
بكره إحساسك يدلك ع اللى ضلك
واللى قدملك روحه ورود
ساعتها تعرف ..
عمرى اللى راح ويا الجراح من غير تمن
مين ضيعه ؟!
وقلبى اللى داب ويا العذاب ف سنين شجن
مين ودعه ؟!
عبدالحميد المرسى
ليست هناك تعليقات:
إرسال تعليق