صلة الأرحام صابها الهدم
ويمر بينا ألف نهار
لا سلام ولا قلب يضم
نبقى اخوات ولا بينا حوار
بعد الاب وبعد الام
نبقى اخوات طول ما احنا صغار
ولما نكبر نتقسم
صلة الأرحام صابها دوار
وبقينا اخوات يدوب بالإسم
اب واحد ام واحده
دمي ودمك نفس الدم
لو نتقابل يوم بالصدفه
تحضن فيا وتسلم
بعدها تنسى ان احنا اخوات
وكأن سلامك ليا إثم
وتلوم نفسك ليه سلمت
وتحس بعدها بالندم
اتربينا بالحلال
عمر ما كان في طعامنا سم
ربي يرحم والدينا
بعدهم جراح ما تلم
والقلب مليان أنات
نبض القلب صبح أصم
لو الأخ بينفع اخوه
ليه نترحم على اب وام
(((أسامه جديانه)))
ليست هناك تعليقات:
إرسال تعليق