15/04/23
نرفدك. ياجمرة نحطك على جرحي
الكي للجرح ياك مليح
نعصرك ياقرحي نرجعك فرحي
دموع الحزن بالفرح تسيح
مانلومك ياخسارتي منك ربحي
مانعايرك ياعڨبة ماشيك يطيح
نصهرك ياحرفي نديرك سلاحي
ندير منك جناح نقاوم الريح
نكتبك ياحرفي الدهر مايمحي
نربطك ياحبلي ربط صحيح
نثبتك بعقل التثبيت يا لوحي
على جنابك ننقش مفاتيح
من ظلمتك ياظلامي نشعل مصباحي
بيه نمشي نشوف مليح
منك ياغربتي تعلمت صلاحي
عرفت كنوز فيها توضيح
أوسيف قدور
ليست هناك تعليقات:
إرسال تعليق