كله ورود و شموع
بيحكي المحبه
فوق شواشي الزروع
طريقنا ومشيناه
جوا القلوب مطبوع
فى كل بستان اسمي
اسمك بين الضلوع
تايه في حنايا قلبك
قلبي من الشوق موجوع
يازارعه فوق شفايفك
ورده من كل نوع
ياللي النسمه منك
مهداه لكل الربوع
ياللي انت الكلمه منك
نبض قلبي في خشوع
شمس حبك و الشعاع
نشوتها في لحظة طلوع
تروي قلبي بالغرام
فرحه ممزوجه بالدموع
لحظة لقا بعد الغياب
جوه شرياني فروع
فرع منها باح بحبي
والفروع آيده الشموع
والأجنه في الحنايا
غنوها بصوت مسموع
لسه ماشي فى طريق الذكريات
بعدنا حبه عن الزروع
شفنا شط لترعه صافيه
فيها موجه حنينه
ف حالة رجوع
راجعه تبارك حبنا
فوق ضهر النخيل مرفوع
رفرف الطير بجنحاته
جوه قلبي عالفروع
زقزق العصفور وغنى
غنوة أطفال السبوع
فيها الشمع وفيها الحنه
وطفل فرحته بالدموع
ولما قلبي ليك غنى
هل نورك بالسطوع
(((أسامه جديانه)))
ليست هناك تعليقات:
إرسال تعليق