مليت بصارع فيك.براي
مليت بقاسي من الألم
يادنيا ياحارقة حشاي
سيبيني أحلم بالعشم
انا بت خلاص فترت خطاي
وقدرجريت ماشكلو تم
حاولت بالقدرة المعاي
وفضلت أكتب كم وكم
لكن خلاص مليت اعيد
نفس الكلام في اليوم اصم
خليني اسمع فرحتك
في ضحكة تملى على فضاي
وأرجيني أمسح دمعتي
شان ذاته يبست في رضاي
بليهابي مطرالحروف
ورشيني كان اقدراشوف
ماكنت عميان بالهموم
وفضاي مليان بالنجوم
لكن بدون لمعان يدوم
الليلة دايره يبقى ضوء
يلمع مع ضحكي المجهج
كان القى روح بعد الشتات
تاقيني يادنيا الوهم
غطيني في عز الخريف
ودسيني من باكر واكتبي عني
قصيدة في الزمن المخيف
أو استميحك ان تناجي الله
يوما كن لها عونا وسيف
حتى احارب من تسول نفسه
ان يسرق الحلم السخيف
ان الاوان ان تسدلي أستار
انجمك الجميلة ودعيني
اخلد في ثبات الموت فالموت لطيف
بقلمي مريم فخرالدين
الساعة9/50دقيقة الاحد مساء 26/6/2022
ليست هناك تعليقات:
إرسال تعليق