لبست بيجامه
وجلابيه
وجريت حافي في
قلب الميه
ولعبت عسكر حراميه
وكلت نداغه وعسليه
ومكناش بنبطل مرازيه
من كره شراب
لأكلة فول
علي طعميه
ما أنا ابن الحاره
لعبنا ايام وسنين
وعرفنا نبوت الغفير
وعلى أيامنا كان
فيه مراجيح
وأراجوز وتفاريح
والحاوي
بيلف في كل
زقاق وكل حاره
ومكنش فيه
بواب لكل عماره
وفيه غفير
معاه زماره بيحرس
اي عماره
واحنا ولاد الحاره
كنا منشربش
سيجاره
وكان عندنا نخوه
وعندنا شهامه
وكنا بنتسامر
علي باب اي
عماره
ونخاف على اي
جاره
اصولنا كانت
حضاره
وأخلاقنا كانت
مناره
مهو احنا ولاد
الحاره
د /حسن عامر
ليست هناك تعليقات:
إرسال تعليق