،،،،،،،،،،،،،،،،،،،،،،،،،،،
بغمض عيوني بشوف سرب
من الحمام
جاي لعنا حامل غصون
السلام
وساعة ما بوعى بينكسر صمت
القيود
وبصير ادعي ظل عايش
بالمنام
بلكي وعسالله بتنمحي كل
الحدود
ومع بعضنا منعيش بمحبه
ووئام
وعصر التأخي صوبنا بيرجع
يعود
ونور الوفا والحب بيمحّوا
الظلام
وعالكل خير الرب بالدنيا
يسود
وفوق الروابي ترجع ترف
العلام
يمكن في مثلي كثار خلقوا
يحلموا
وياريت لو بتصح احلام
الكلام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق