الأحد، 14 نوفمبر 2021

هديتي الى كل انثى سطايفية 

رزيقة والرزق في وجهك معلوم
هذو هما بنات اسطيف العالي..

بنات الفخر والشنا بيهم ملزوم
والعين الكحلة تعوم فيها يا خالي.

زين السطايفيات ماشفتو فا الروم
يحكو على السبانيول ولا الإطالي

هذا زين عرب اصالي متموم
بنت سطيف ماطيح فيد السفالي

حوتة بنت سطيف بين امواج تعوم..
ولا حمامة تبات فالبرج العالي

يترك من شافها شغالو راه يهوم
كاملت الزين والبها يا دلالي

تطلع كي مثل القمر حوليه نجوم
ونور الڨمرة السهر فيها يحلالي

واذا لبست ساڨها يظهر مرسوم..
كي مثل البرق يبان من تحت يشالي

يحفظك الله الحي القيوم..
من عين الحساد ومن عوز الوالي

بقلمي:  الشاعر لعجال فجخي ladjel fedlkhi

ليست هناك تعليقات:

إرسال تعليق

قصة حلم سارة/ بقلم المبدعة: همسة انين

ق ـ ق حلم سارة في قلب الريف الجزائري، حيث تتراقص سنابل القمح مع كل نسمة هواء، وتغني الطيور أعذب الألحان مع كل شروق شمس، كانت تعيش سارة، فتاة...