بسم الله العالي الواحد القدير ** نبتدي بكلامي من أول السطر
انزيد الصلاة ع الهادي المصطفى البشير** وفي الثالثة نسلم ع الكل من حضر
اصغوا كلامي جملة وافهموا التفسير**راحة البال تهني وتزيد في العمر
طيع الله مادامك في العمر صغير** وابعد على الظلم و عمايل الشر
الدنيا غرورة راهو بلاها كثير**مافيها أمان غدارة كيف موج البحر
ساسها خايخ و عقابها تدمير** مهما تعلى الفوق و مهما كبر
لا ثم فرق بين الغني و بين الفقير** لثنين فيها أخرتهم وسط القبر
فاعل الخير فعله عليه ينير**متونس بيه طول المده ومستقر
وفاعل السو متكدر من قوة التحسير** يخزر لأفعاله وهو ليها مستنكر
لثنين يوقفوا قدام ربي ف نهار كبير**نهار الحساب ماثمش منه مفر
سعد من يلقى حسابه يسير**يكون فرحان على قد ماصبر
فوق الصراط للجنة يطير**عليه راضي الرحمان وليه غفر
و ياويح من يلقى حسابه عسير**يندم وماعدش الندم فيه ما يسر
ممدود على وجهو لجهنم المصير** يارب تعفو بينا من عذاب الحر
بسام مناري. تونس
ليست هناك تعليقات:
إرسال تعليق