الجمعة، 2 أبريل 2021

(قصيدة)
_______(حبة عصابة)
             ____$_____
  كلها لابسه الوشوش.
 وتشوفهم تقول غلابه؟!
حووش عنا يارب حووش.
طلعوا تعابين و ديابه؟؟!!
أحنا كان مالنا و مالهم؟
دى أصولنا غير أصولهم؟؟
دى عيونهم ما بيختشوش..
و اتاريهم حبة عصابة؟؟؟!!!
..كلها لابسه الوشوش و..تشوفهم تقول غلابه؟!
..حووش عنا يارب حووش..طلعوا تعابين و ديابه..
بعد ما مصوا الدم فينا.
بخوا السم ف عينينا!!
واللى فيهم باعوه علينا؟!!
نرجعولهم تانى عيبه؟!
ما كفايا دا احنا استوينا؟!!!
منهم ياما اتأزينا؟!!!!
و لما بيقدروا ما يعفوش؟!
ما تقلشى قاعدين ف غابه؟؟؟!!!!
...كلها لابسه الوشوش و.. تشوفهم تقول غلابه؟؟!
...حووش عنا يارب حووش..طلعوا تعابين و ديابه!!!
ع الأعمى يعدوا ياكلوا عشاه.
ويقولوا رزقه ع اللى عماه!!
دول مش بشر ولا ناس؟
ولا عندهم أحساس؟؟
ياما عاشوا كتير ف بيتنا.
طلعوا وجابوا ف سيرتنا!!
ونراضى فيهم ما بيرضوش؟
وخلوا حياتنا كئابه؟؟؟!!!!؛
... كلها لابسه الوشوش و.. تشوفهم تقول غلابه؟؟؟!
.... حووش عنا يارب حووش.. طلعوا تعابين و ديابه!!!!
                 بقلم شاعر العامية.
         السيد حسن السيد.
2/4/2021

ليست هناك تعليقات:

إرسال تعليق

قصة حلم سارة/ بقلم المبدعة: همسة انين

ق ـ ق حلم سارة في قلب الريف الجزائري، حيث تتراقص سنابل القمح مع كل نسمة هواء، وتغني الطيور أعذب الألحان مع كل شروق شمس، كانت تعيش سارة، فتاة...