وطريڨك ظلمة ملاناقيىر اشواك
اضحكتي للغافلين ولو كسابا
عادو فيك يساومو ربحك وشقاك
اشطح ياشادي على راس العڨبة
راك فرحت اليوم حين الڨيت هواك
درت عراسك بطبول وڨصابة
وتفرز في عرضتك منذاك لذاك
وبكي ياولد سبع وسط الغابة
راك مهود في حدورة من مبداك
بكري كي كانو خصالك رهابة
كان الملك يدور فالغابة بسماك
فرحت موكة اليوم لبسة جلابة
بعد نكانت فالخلة مكان سلاك
طول الليل تبات تشقف كذابة
وتوهم من كان هدار وشكاك
راح راي وهادنيا ڨلابة
عاد الذئب اليوم يسرح في مفلاك
وين النسر اللي ذفاره خلابة
وين يحوم كان فضربة فكاك
وطاح العود اللي رجاله ركابة
وتبدل بسوام الحمار صكاك
راها حكمت للضبوع تجلابة
طمعت فالغزلان تاكل بترياك
والخماس تغا على مول صابة
عاد يڨسم فالعشور للمن والاك
من فرز بين الحرير الكسابة
لوكان عرف صاب في مبداه سلاك
كول ودفڨ يارفيڨ الحلابة
ونسى من كانو محبتهم للباك
اصرخ في بر الخلا بين ذيابة
كي غابو ذوك نمورا لزاد بلاك
راحت من ڨالو عليها كبابة
وتسدي ودير للنيرة تسلاك
خلفتها وحدة يڨولو طبابة
هذي خبالت الغزل ڨالو كي هاك
راح للي كان في صواڨه جلابا
يشري وبيع بالوفى يعمل مرضاك
وجانا خطاف السوام ريابة
خلاط تالي مع الول بعكاك
راح الكيل للي يڨسم فالصابة
ولا يعبر فالتراب بحلف معاك
راحو من كانو للهنى رحابة
خلفوهم ڨاطعين لرحام والملاك
اصتر ياربي الناس الموصابة
ودوم علينا العافية كل دعيناك
ودوم علينا ذنعوم المهابة
و نكارين الخير تبليهم ببلاك
من هوما في حب وطني قتابة
الرد عليهم كيدهم كي دارو هاك
شكرا لك ربي يبارك فيك على الدعم
ردحذف