ع غفلة تخطر بيا لكحلت للماح
وياقلبي علاه ديما مشططني
مابغيت تبركة لبدا تقباح
ضنيتك عدو في زدري معذبني
تقتل فيا بعسل سمايم ذباح
الي بيا مصيبة بخزرتها هلكتني
دات الڨلب بلا براز يافصاح
نتصدع نوبة ويهضهض جني
معاشرني خيالها هاك راني ضباح
بشعري مغددر كاسي ماسكرني
ونسيت خدودها جربي من تفاح
لابيه عودي نتفاجة كي يدني
ويمثل هولي وشطاني في الطحطاح
ميرت لبنات ومير الخيل مونسني
كي يصرش من صررشي الي يكباح
ويڨول يامهرة مشيتك تعثرني
فشلو ڨوايمي الي مافشلهم سلاح
نصي فيك وجهدي الي يحملني
ودمي مرهوج بيك ماهي ضنة يصحاح
موسى
ليست هناك تعليقات:
إرسال تعليق