والْمَا في الخابية نقية
كلشي موجود وحتى الصينية
أغدا وعشا ناكلوه كيف الباقيا
بيتك دافي مفرش بالزربية
الشمس طالعا فيه صباح وعشيا
علاش اولدي حركَتي أتْخبيا
آه شحال كوتيني من كيا
وزدتيني من ارزيا
هرستي ظهري وعماو عينيا
كَْلت ليك لبحر ما فيه امزيا
لبحر غدار متقتيش بيا
غمضتي عينيك وهجرتي اعلِيّا
في ظلام الليل لا كَمرة ضاويا
غير لمّاجْ أتلالي عاليا
لمْهَامهْ ونار لقلوب كَْاديا
الجوف ناشف اركابي خاويا
الخوف البرد اسنان الداويا
كون راجل خلي نفسك راضيا
ما تكون الحوت لُكَْما ساهْلا
ولا بين اصخر عظامك راشيا
مال زين لولاد خلا داري خاويا
مال زين لخوت خلا ميمتي حازنا
تنوح وسط الناس لكبيدة مشويا
✓د. عمار محمد رشدي
ليست هناك تعليقات:
إرسال تعليق