تايه فيك ياوطني ماعرفت وين نصد
الباب لنقصدوا يتبلع والله غير تعبت
ليحكم فارض علينا رايوا ماداري بحد
نسي لي الديكتاتورية عندنا مانجحت
لسى عايش فعهد الخوف واقف يترعد
يحسب المطالبة بالحقوق علينا تمنعت
مدايرنا أيادي خارجية بالحساب يتوعد
مانعنا نطالب بالحقوق ولسناتنا تصمت
رافضين أرائنا واقتراحاتنا و لازم تتجبد
والفوا يحكموا بالهراوة وآرئهم تفرضت
يزينا كرهنا صحاب المصالح للوطن تهد
تنهب فخيرات لبلاد زادت الناس فاقت
رانا نطالبوا بالعدالة والقانون فاصل حد
بركانا من الترافيك السرقة راها مازالت
وعلاه العدالة تحكم وتتراجع فذاك البند
السارق غير مسموح تتعاطف معاه فضت
لص الوطن يتعدم ڨدام الناس الكل يشهد
باه لتسول ليه نفسوا يدير حسابوا حكمت
لازم تحكم الوطن يد نظيفة تقرر وتتعهد
تطبق العدالة وحقوقنا بيه نقولوا رجعت
نديروا اليد فاليد والخيلفات ننساوها تبعد
بإذن الله تعود الجزائر مثل مالناس طلبت
كلمات: عبدوا شيخان.
ليست هناك تعليقات:
إرسال تعليق