قولو لي وقتاش نقدر نكسبها الغالية يا الوافية...هي وردة في جناني
قلبي هب وحن للقاها العافية يا الوافية...هاشوفي لي وقت ثاني
نغدا شور الزايخة وين غادية يا الوافية...نفرحو ونعود هاني
غادي فالمشوار نلعب خيل قاوية يا الوافية....اعذروني يا اقراني
............
بالله دعيتك ثم العافية يا الوافية.... تتهداي لا وين غادية
ابكيتك بدموع صافية يا الوافية...وانتي فرحانة وزاهية
ماشي لك برجلين حافية يا الوافية....والنيران فالقلب قادية
كلمة من عندك شافية يا الوافية....تنسيني لولا وتالية
جرتني رياح سافية يا الوافية....وانتي ملكيش دارية
ما ضنيت تكوني جافية يا الوافية.....يك هذا الدنيا فانية
محنتك فالقلب بالية يا الوافية...كملت أشعاري بقافية
...............
يهديك الله يا الوافية....من بعدك راني نعاني
ولحبي راكي نافية....ولا تقولي قلبي نساني
كليمة من عندك كافية.... تشرح لي كل المعاني
جاهيك بدموع قاوية...اغسلي عني احزاني
ها قولي لي يا الوافية....انت حبي وانت جناني.
...............
من بعد كلامي ذي التالية .....احسن عوني يا حبيبي واعذرني
هذا بحر اصعيب وامواج عاتية ..ما ني عارف كي الموجة تديني
بحر الحب اصعيب ملوك طاغية ....واللي دخلو ما يعيشو متهني
ماني قادر من اخروج رياح سافية ....والعبد الممحون يبكي يا غبني
جلول قيايدة
ليست هناك تعليقات:
إرسال تعليق