قصدتني وحدة وقالت بيك نهوم....من نظرة عينيك لجوارك طالب
قلتلها لجواب في عيني معلوم.....ماني فارغ ليك مشواري زارب
راني في وسط الصحور ماشي ونهوم....ما نقدر نهواك ذاك الله غالب
انا ولفي داتني واحرم النوم...بايت بين احيوط داري نتعذب
حتى نوّر هاتفي فارس من القوم....ساهر كيفي في رمالو يتقلب
يحسب فيها طالعة قمرة وانجوم....ورافع يدو لخالقو ليه يصوّب
انت ما تكذبش زل عليك اللوم...يحسن عونك كان صابك هذا الحب
اسباب اضراري يا الخو بيا فطوم....نعشقها ونموت فيها ما نكذب
دقتني باسهامها في يوم امشوم ...واتلف لي عنوانها وين نطبطب
فسرلي يا شيخ يا قاري لعلوم....وين دوايا عند راقي ولا طب
هذا دين نعقبو جاني محتوم....مالي طاقة نحاربو ولا نهرب
نطلبك يا خالقي تصحا لغيوم.....تهدا لي مرحولتي نرجع نركب
...........
كاوي قلبي غاب عني يا لمجد...ماني قادر بوح باسراري مهموم
حتى نوّر نور قلبي يوم الحد....واناباقي في مكاني عدت ننوم
بشرني بشارها بالخير تقد.....وطلعت شمسي فالسما ومشات غيوم
اتوحشت ايام فيها كنت نعد...طالب فيها ارضايتك قلبي محموم
تحضني بذراعها بها نسعد...ونعيشو لفراح ولياليه تدوم
ومن بعد الي فقت والمخ استقعد...وطار الغيم وبانت اغزالي فطوم
رحمة ربي يسر بعد ما تتشد..كاوي قلبي فاطمةذي بنت عموم
جلول قيايدة
ليست هناك تعليقات:
إرسال تعليق