حبيتك بالنية والقلب الصافي
وهبتك قلبي ونت خدعت بيا
حلمت و معاك نفوت عمري
نعيش جنبك تسعدني فالدنيا
خسارة رحلت و بقيت وحدي
نعد فالنجوم و وكتاه تعود ليا
حسبت خلاص لقيت أنا قلبي
سعي ذبحتني والله شاهد عليا
يزيني مابقيت نثيق ياخدعني
كذبك جرحوا مزال فجواجيا
كرهتك ماعدت نقبل تشوفني
انساني وننساك غير دير مزيا
المكتوب راه فرق بينك وبيني
رضيت بنصيبي لعطاه الله ليا
ونت راك مزالك لليوم تجبدني
غير الخير وعلاه راك تهتم بيا
انا ڨلعتك مالقلب ليراه عذبني
طويت صفحتك فذيك لعشيا
انسي فض المكتوب من عندي
وماعاد باقي معاك حتي قضيا
كلمات: عبدوا شيخان.
ليست هناك تعليقات:
إرسال تعليق