يا خاوتي يا لملاح وين راحت ذيك اللمّة؟
وين راه ذاك الصلاح لي يضوي شموع الظلمة؟
زمان كنا خاوة اليد في اليد نمشيو بهمة
القلب على القلب هوى جامي فالشدة تحس بالغمة
الماكلة بنة وحدة و الدار ديما قعدتها فيها رحمة
الضحكة تخرج من الفم و الكلام ديما بحكمة
ما كاين لا غيرة لا حسد لحياة صافية بلا عتمة
واليوم كل واحد وحدو النفوس ولات خاوية مظلْمة
تبدل الزمان والاحوال والناس ولات طباعها معتمة
قطعت خيوط لوصال والعلاقات مهدمة
وين راه خويا لي كان يمسح دمعة عيني بكلمة؟
وين راها اختي لي تشاركني سرارها المكتومة
راحت المحبة والسلام ولقلوب ولات محرومة
الدنيا لهات و غوات وكل شي صبح بسومة
نساتنا لحباب و لخوات و لقلوب كحالت ملغومة
يا حسراه على ليام كي كنا لمة منظومة
راحت المحبة والسلام ولقلوب ولات مكلومة
نتمنى ترجع ليام و نتلمو كيما كنا وكلماتنا مفهومة
ننساو جروح و آلام و ترجع البسمة لوجوهنا المكظومة
صلة الرحم يا ناس راهي وصية ربي
قبل ما يجينا الاجل و نوليو تحت التراب ذكرى مدفونة
خلونا من الحسد والغيرة و نبنيو جسور المحبة القديمة
ترجع قلوبنا كبيرة و الدنيا بينا تزهى وتبقى فالزمان معلومة
همسة انين الجزائر
ليست هناك تعليقات:
إرسال تعليق