وشورت لغزة متجهة الارض الابطال
لكسر الحصار عاى خوتنا والعين بكت
يا ما قساو من ظلم ياتاريخ كتب وسجل
حتى الخاوة جاو ضدهم بياع وشيات
ودرو مع سيادهم تفاق مكتوب ومعدل
كلامهم غير تنديد بيه صرحو ذوك شميات
قلوبهم قست لا غيرة لا نيف ركبهم الذل
الجزائر درت مبادرة وعلى الخير عولت
شعب الجزائر داه النيف راه عوال
من بكري ابطال وشجعان واهل الخيرات
ثاني الجزائر قست وشعبها تبهدل
وطردو الا ستعمار من بلادهم ورفعو الريات
وعلم الجزائر يرفرف همة ودلال
تحيا فلسطين حرة ارض البطولات
ويجي نهارها ضاوي وتبرى لعلال
يظهر الحق منصور وتروح الكيات
ويبطل الباطل ويروح مهزوم ومذلول
الله اكبر رب عزة عالي الدرجات
ونختم بالصلاة على محمد طه والال
تحيا الجزائر 🇩🇿
تحيا فلسطين 🇵🇸 توقيع 👋لخذاري مسعود 🇩🇿
ولاية افلو المنتدبة
ليست هناك تعليقات:
إرسال تعليق