وانت هوضتي محاني يا عذرا
انت خلخلتي المخ و فيضتيه
وانت هملتي الشاعر فالصحرا
انت سبة سبتي في هاذ التيه
وانت بلعاني تقصي في الجرا
انت عشقي فالنسا لمن نحكيه
انت من دون النسا ليا ذخرة
نشعر ونخلي مع وصفك تشبيه
بيت من الملحون يسوالي عشرة
شهلونة سميتها باسم نسميه
اسمك ساني مع عظامي ذالمرة
الشعراء، كلهم جابوا تنبيه،
وكل ثنية تايڨة منها، فقرة
نديبة مازال في قلبي، تشويه
عاب وشاب ومابقالو من ذكرى
واللي بيا جنها بلهوتي ايه
بلهوتي وبلاهتي كم ان خطرة
يتبهلت حب العشية بمواليه
وانا من طبعي موالف بالمكرة
يا شهلى حب النسا كل كسبتيه
بثينة؟؟! والغامدية؟!! والزهرة!!!؟
فتي ليلى؟؟ فالهوى ونجحتي بيه
فتي فاطيمة؟؟؟ وعبلة؟!! ياحرة
حبك جاني كالبلا لمن نحكيه
و.. لافكاك يفك ضري ما نبرى
غير انا ظنيتني نتونس، فيه
طيفك كل صباح يحضر والهدرة
اذا سلتوا شكون هي قلنا منهيه
نديبة ساكنة بلادي من برا
شرق البيض حوشها وانا حاضيه
باب مزخرف صداته للظهرة
هي ممي في عيوني نخزر ليه
هي روحي وراحتي بيها نسرى
قصيدة روحي وراحتي... الشاعر الشيخ بوراس
ليست هناك تعليقات:
إرسال تعليق