راك مسؤول امام الله يا خويا
راها طريق بحر عميق وملوية
وما دوبليش في العقبة ودير مزييا
راك رافد ارواح رجل وولية
وكون فطين يا صاحبي مولى درايا
وشوف قدمك ووراك وفي كل لية
ولا تبكي ام واب ولاخو واوخيا
لا تعجل يا شفار وسوق غير بشوية
وخلي الجوال يرن ماترد ياخويا
راها طريق صعيبة وضربتها قوية
خذ حذرك ياشفار ولاتمن الدنيا
شحال ارواح رحت راها منسية
ودتهم ذا طريق بغلطة سببها نتايا
خفض السرعة يا شفار وسوق بالعقلية
تنجى ويخطيك الوسواس لهيه وهنايا
وتعيش هاني متهاني ماتفكر في حية
العجلة من الشيطان تبقى وبليتها بليا
الله يحفظ لعباد من كل مكروه وبلية
واذا تقدرت تجي بلطف الله محضيا
يا شفار سعف السيارة وسوق بشوية
وكون سيساني فطين مولى درايا
توقيع 👋لخذاري مسعود🥀ولاية افلو المنتدبة
ليست هناك تعليقات:
إرسال تعليق