لا ذايق طعم الهنا ولا هاني ... راني وحدي في بلاصي نتالم
همي والتفكارفي حياتي جراني...ما نعرف نهايتي والله عالم
نفسي و الشيطان هوما عدياني....ما قادر للصبر لا قادرنحلم
دنيا سودا ظلامها راه طماني.....لاشمس ضوات ليل ما زال مغيم
ربي ربي زيل عندي لحزاني...قلبي ماطاڨ مرها كيف العلقم
ما طالب لا جاه منك لا فاني ...ما طالب لا مال فالدنيا لا علم
غير ايامي نعيشها وانا هاني....ونسير انا مع طريقي تتسڨم
قلبي ما طاق للصبر ما هناني... وعقلي مشغول بالهموم ويتبسم
ضحكة صفرا باينة للبراني....نيراني شاعلة في قلبي يتألم
يا صاحب لا تشيل عنك وعني....اذا كلفتك ياك نتسمى ظالم
همي مثل الجبال حبت تثنيني....وانا بعنادها نحارب ونقاوم
ما نعطي طوع ليك وانت ظالمني...يا ذا الدهر الرخيس ولا نستسلم
ربي ربي قاصدك ترفع عني....همي مع هواه والنفس اللايم
جلول قيايدة
ليست هناك تعليقات:
إرسال تعليق