دنيا وفيها العجب صاحبة زمن كداب
عرق الشهامه اتحجب واتقفلو الأبواب
السعد راح والهنا مفضلش إلا عذاب
واهو كله من عمرنا أصغر مافينا شاب
العلم بقا في الراس ومالوش لزمه الكتاب
الخسه صبحت موضه والطبع بقا غلاب
تحس ان البشر اخدت طبع الكلاب
إلا الوفاء رفضوه لا داعي للأسباب
الوحشة والرخيصه بتقول لا للحجاب
وحتى لو حلوه مايجيها إلا الذباب
اما الجميله الغاليه تشوفها بنقابها منظر جميل خلاب
غني بيكنز في ماله وفقير يعطي بدون حساب
سايبها على ربه مش منتظر لا شكر ولا إعجاب
وتبص على عيشته تلقاها عشه بغاب
لا يعرف الطوائف ولا ينتمي لأحزاب
تفيد بإيه الأخوه مادام الأخ عاب
يسب فيك ويشتم ومزاجه في السحاب
يتباها بحماقته ويصاحب الغياب
من بعدأخوك ياحزين هتلاقي مين احباب
دا هو سندك وضهرك وهو ستر وباب
ان قال مابيحبك علطول يكون كداب
خلي بينكم سماح ولو اخد وماجاب
ادعيله بالهدايه ربك هو الكريم والدعوه هتستجاب
لسانك حصانك
والكلب كله طاهر ونجاسته في اللعاب
بقلمي:م /هشام غازي
عاميه مصريه
ليست هناك تعليقات:
إرسال تعليق