(خلصت كل الوجع$$##?!)
خلصت كل الوجع.
في كلمتين إتنين.
في دنيا فيها البدع
أكترها ناس تافهين
واخدين فيها حقهم.
بدل الصاع بصاعين.
ضربينها مية صارمه.
وإحنا ال فيها ضاعين.
أجلها شمال وأقول
هاتعدل الاقيها تيجي
لي يمين بتلاعبني
بالبيضه والحجر
وتغمي بإيديها
عن سكتي
وطارشة الودنين
خلصت كل الوجع.
مافاضلش غير دموع
ذرفت وسالت من البكا
على الخدود نهرين...
شالايني من حسابتها.
وعجناني في الطين.
كتبت فيها الشعر.
من الكلام حرفين
بداية القصيدة آه
صرخت شخللت
وإترقصت وإتحنجلت
وإطنطتت وزغردة
لو لو لو لي وردت
وقالت ببجحها
نعم يا أخوي آهين..
حظك كدا متعوس.
وخيبان الرجا في
ذمرة المساكين
عمرك ضربت الودع
عمرك قريت الكف.
ولا قريت فناجين.
في ناس حظها كدا
ضارب في العالي
مع إنهم واطيين.
لا تعبوا في دنيتهم
ولا عرفوا في يوم
شقا ولا كانوا
متغربين.........
أنا الدنيا كدا ملعونه
وفي العبر بأدي ال
مش محتاج وأحرم
الجعانين.......
بأعطيهم من الوسع
أفدنه وإنت يادوب
قيراطين........
إرضى بال أنكتب
وإيه يايفيدك لطمة
الخدين.......
عمرك وهاينقضي
بالطول أو العرضين.
خلصت كل الوجع
في كلمتين إتنين.
سيب الملك للمالك
وإحمده وإدعي وقول
يامعين........
كتب علي الزوال والفناء
لو دمت دمت ال مين.
كان فيه غيرك ملوك.
عاشوابالمال والدهب
وغيرهم السلاطين.
كان ليهم خدم وحشم
شوف النهارده فين.
وأنا منك بأعتذر
وبأقولك بلاش
العشم أسفين......
الغلطه مش غلطتي.
الغلطه في ال مابيعرف
ربنا وال مايعرف
دين..........
خلصت كل الوجع
في كلمتين
إتنين.........
26/8/2024
بقلمي &&&##??!!
(شاعر العاميه/خيرى حسنى ???!!!!)
ليست هناك تعليقات:
إرسال تعليق