موالف لصيدك يبكر صباح فرحان
واليوم تبدل حالو راه معييه
والدنيا درت عليه وقلبو مشطان
وصدت الايام راه يشوف بعينيه
وخاطرو مشواش وفكرو هايم دهشان
يا لجدل زاهي تنط هنا ولهيه
سارح تجوال في البر فارح نشوان
سبحان لخلقو وصورو بالزين مبهيه
لونو باهي يعجب يسحر فتان
لجدل باهي صفة قلبي يبغيه
نظرة حسن وجمال والقلب فرحان
يا لجدل برك بعيد جاي لهيه
مسافة طويلة جاية حذاها كفان
راني مشطون غير نهاتي بيه
رشاني حبو وجسدي يبان دهشان
ونبات سهران نتخيل غير فيه
محموم نصيهد دخلاني ونايا غيظان
روحو روحو يا خيالة وصدو لهيه
وجيبو لجدل زين نظرة بوقرنين
شاتي نشوف لجدل ونتبهى بيه
وتبرد نار شعلى دلها سنين
كتبت هذه الابيات في حمام بوحنيفية على الساعة الثالثة واثنان وخمسين دقيقة 🇩🇿ولاية معسكر يوم الاربعاء 21اوت 2024.... في فندق الخير👋
توقيع لخذاري مسعود
ليست هناك تعليقات:
إرسال تعليق