تحبينا القلوب تعاشقو
تعذبو لبعضهم و تشوقو
شحال صعيبة يتفارقو
شحال واعرة شحال
تأنسو لرواح تعانقو
في بحر الهوى غرقو
بسيوف السجان يتمزقو
تخلط دمهم وسال
تربط خيطهم و تعلقو
حرام علاش ينشنقو
لا ذنب غير تعاشقو
والروح لروح وصال
مول الحق حقو
لاش ينحرم حقو
علاش امانيهم ينسرقو
ظلم هذا قتال
عيون بدموع يدفقو
وكباد بنار ينحرقو
حوال ماحبو يشفقو
شواك مفرشة وخبال
🇩🇿الصابر لله 🇩🇿
ليست هناك تعليقات:
إرسال تعليق