الثلاثاء، 24 أكتوبر 2023

غزة بتبكي/ بقلم الشاعر: عماد الأبنودي

& غزة بتبكي &
بقلم/ عماد الأبنودي
•••••••••••
فيه ناس بتصح ع الفرح
وناس يقوموا مفزوعين
و غزة قلبها ...
اهو انجرح ...
بقا جواها يادوب نصين
حاجة معدومة الإنسانية
حاجة حقيقي مش طبيعية
فى عرف مين بقينا نشوف
الرحمة ماتت من البشرية
حد يصحي ...
ضمير العالم ...
يقولله جنابك أنت فين
ليه الوضع فعلاً صادم ...؟
و عيون غزة بتبكي أنين
تعرفوا تعلنوا ...
دلوقتي حداد ...
على الصاحيين قبل الأموات
أدي اللي غطى كمان و زاد
محدش فاق من السكات
سجل يااااا ...
تاريخ الغباوة ...
الأرحام اهي في الأنعاش
قدسنا حزين شارب مرارة
شكلو رايح مننا بلاش ....!
دي الحجارة عماله تصرخ
بتقولنا ... إحنا موجوعين
امتي ....!
حيكون لينا مخرج
و لأمتي هنفضل مقهورين ..؟
بقلم
عمااد الأبنودي
24 , 10, 2023

ليست هناك تعليقات:

إرسال تعليق

الحب الخالد// بقلم الشاعرة: همسة انين

الحب الخالد يا قلبين قد صاغَهُما قدرٌ فشُدَّ الوصل رغم البعد الأليم مسافات تناءت صارت أفقًا وخلف الصمت صوتٌ في الصميمِ فلا عين تواسي اليوم ح...