الشدة في ربي
من شد يشد في ربي
واش دير شدة عربي
نغيب يستغل غيابي
في وجهي ليا ضحاك
يكلمني يقول انت حبيبي
على محبته يشهد ربي
يزيد يأكد انت صاحبي
وقتها راني نكون معاك
بيها حاب يكسب ڨلبي
بيها يولي هو طبيبي
زعما يداوي يشفي عطابي
بسمية ياخويا أنا نهواك
انت لعزيز في حبابي
تعيطل راك تسمع جوابي
وقت دقدق في بابي
تلقاني حينها واقف حذاك
ريحه مرات يضرب غربي
مرات شرڨي بارد معبي
يضرب من كل جنبي
جاي ليا معمد فتاك
لي هو متربي يبقا متربي
يلا حبك يحبك محبة ربي
عنده وجه ماهوش مخبي
وقت الشدة تلقاه معاك
من شد يشد في ربي
نعرفوها هي كلمة حبي
فالدنيا نقرى في كتابي
سمحلي مانيش انا هواك
أسمي الصابر أسم عربي
بو عربي وجد عربي
الألف والسين في لقبي
كان لازم نقرى درس بلاك
أوسيف قدور
ليست هناك تعليقات:
إرسال تعليق