بقلم/عماد الأبنودي
********
ومازال الحلم ف بدايته
مهما تطول بينا الخطاوي
يقص الليل لينا حكايته
وتسمع كلامه لو أنت غااوي
بحر الألم مليان جراح
بس الشط محتاج مراكبي
عوام شاطر ضد الرياح
يقبل كمان شروط التحدي
مفارق يا يأس من أراضينا
ملكش مكان هنا جمنا ...
تعمل عبيط ولا ناااسي
الأمر ده صادر من عندنا
وليد الحلم دا .. في مهده
مشتاق بلهفة يشوف النور
يتلمس خطاويه على مهله
و لأنه لساه يادوب مغمور
فرحان بيدق على البيبان
نفسه الفرصة دي تسمحلو
ماشي طريقه دايما عشمان
الحظ مرة باااابه يفتحلو
بقلم
عماااد الأبنودي
22 , 5 , 2023
ليست هناك تعليقات:
إرسال تعليق