بقلم /عماد الأبنودي
•••••••••••••
قلبي .. مش حمل كسرة
و لا وجع .. من الأحزان
كفاية عليه نيران الحسرة
بتحرق قصور الفرح كمان
عوز تمشي بألف السلامة
قفل بينا على الموضوع
أصل الجراح بتسيب علامة
غرقانه في بحور دموع
ليه ..! لوثت الحب بغروك
و محيت بجهل الذكريات
يلا إمشي و كمل دورك
عيش ضحية لحد الممات
المناهده ملهاش فايدة
أو تعيد حكايات منسيه
إشطب اسمي من سجلك
و بيع براحتك كل القضيه
دور ... على روح تشبهلك
نفس الشكل بدون أشواق
روح قريبه من .. تصنيفك
متعرفش معني .. الإشتياق
و سعتها إبقى إعمل مقارنة
بين اللي باعك و اشتراك
و إعرف كده وجه المقارنه
مين غدر بك و مين هواك
بقلم
عماااد الأبنودي
5 / 5 / 2023
ليست هناك تعليقات:
إرسال تعليق