اهل البيض عاونوني في الطلبة
قلبي راه مريض وسبابو....... ل
هاذو ربع حروف سبة فالسبة
نونين مع الواو والتا في لقفال
منهم قلبي طاب ورجع فالتربة
متفحم ويبان لونو كي لضلال
عينيها بارود خارج من جعبة
نتصوب وانا اللي طبعي قتال
والحاجب كالسيف نوني يدربى
مسنون ويشطي على يمناوشمال
مشيتها مثل اللبية في العقبة
تتختل وتزيد في عقلي تختال
كي نصفاها هلكت قاع الجلبة
تتحيحا وتصش مني ذ الغزال
مذعورة متمكنة فيها رهبة؟
يا تمحاني درڨت والا مازال؟!
قشوة ناصع لونها ماهي صهبة
مثل الثلج ليا تراكم في لجبال
طاح شعرها ع الظهر دار مصبة
من واد الدفة يكغح عند كسال
بنت خيام كبار سكنت فالصبة
شرق البيض عد كذا من لميال
مثل الشمس منين طلعت عالقبة
وتضوي قنديلها يحضى شغال
ليها سبع اقطاب زادوها رتبة
من عندي ولات........ جنيرال
انا؟ جندي حارس عليها نجبى
وسلاحي فالشعر نكتب ذ المقال
يا حصراه عليك يا شاعر واعبى
كي ذبلو عينيك حت الوجه كحال
متزلمش سهر الليالي والكتبة
الناس تزيد فالعقل وانت تهوال
مانفعك لا طبيب ثاني لا طلبة
لا راقي لا حد خفف لك لثقال
. . الخ يتبع الجزء الاول
ليست هناك تعليقات:
إرسال تعليق