(بكتب كلام؟؟؟؟)
بكتب كلام
في شعري ياما
وكإن.
الكلام مكتبتهوش.
حلمت حلم صغير
إني أكون في الدنيا
واحد له بصمته
لي عقل وحكمته
أشوف بوشي بسمته
وأشوف بعيني فرحته
سعيد وطاير بدون
جناح طاير في سماي
كتير براح وأنسي الماضي
وأنسى ال راح.
أقهر بإيدي كل الظروف
ومخافش من ال بيقوله
دا خوف وأحارب
المستحيل وأتعلم
من لغتي كل المعاني
والحروف.
وكنت فاكرحلمي
إنه حقيقة صحيت
في دنيا التوهان
وكإن فجأة محلمتهوش.
صحيت لقيت حياتي
متعثرة وحاجات كتير
متغيرة..........
وكان ال له وش
واحد بقا له
مجموعة وشوش.
مرة يقول لي
إنه حبيبي وألف
مرة محبتوش.
مرة يقول أنا كنت
له والف مرة معرفتهوش
بكتب كلامي
وكإن الكلام مكتبهوش
بحبها وقولت
ليها إنت الوحيدة
في قلبي حطت في ودنها
قطنه وعجين
وكإن الكلام مسمعتهوش
شعرت بيها
وكان قلبي فيها
وإحساس كتير
كان ليها عندي
ولامرة إحساسها لي
ولا حستوش.
صحيح ياناس الدنيا دايرة
ودوارة ساقية تدور على مهلها
والراكب مهمها يطول ركوبه
وال مخدش منها حظوظه.
جايز مرة يصدف ويحوش.
سبحانه في عدلة ميزانه.
له حكمتة وتدابيره
جايز يصحيه من غفوته.
ويقول له إني مسبتوش.
ويفهمه بإني أني
ال له وأني إل
باقي له بعد ربنا
والدنيا فانيه وبكرة تزول
وميفضلش منها الا
الرتوش خلي ال باقي
لينا المحبه فكر يا أبو عقل
صغير العمر مش فاضل
كتير طول عمري
حطك على راسي
تاج تنكر محبتي
ليك كرمه
وبرضوا يعض في
وكإني مكرمتهوش.
ريقي عليها نشف وعظ
وحكم وعلمته في
المدرسة كان كيجي وان
كنت أقول له
عن المودة والعشرة
الجميله يرد لي بالغباء
الكلام دا في مدرستك
مأخدتهوش.
طول عمره راسب
في الامتحان
في الحب طالع الأخير
وفي الود معندوش ضمير
وفي الكره بدرجاته
جايب كتير
سألته ليه في الدرجات
راسب كدا
وكإن تعليمي فيه هدر
والحلم ال كنت بحلمه
طلع كابوس
وأصبح فشوش..........
بكتب كلام وكإن الكلام
مكتبتهوش......
بكتب كلام.....)
2/4/2023
(ترنيمات وخواطر.بقلم..........)
(شاعر العاميه/خيرى حسنى.)
ليست هناك تعليقات:
إرسال تعليق