(((عروسه من بحري)))
أباي يا أبنيتي
تفوتي الطراوه
والدلع بحري
وتاجي إهنه
تتجوزي عندينا
أباي عليكي
يا حزينه
******
تعالي يا أبنيتي
شرفتينا
وبقيتي واحده
منينا
نصيحه
متفتحيش خشمك
إهنه مفيش
ويقفل خشمه
اللي عايز
يعيش
*******
يا ماما الحاجه
أفتح بقي!!
وحبيب قلبي
داخل خارج
الحاجه كتيره
طلباتك أوامر
يا ست الكل
يا أميره
أقولك إيه
ولا إيه
حبيب قلبي
الله عليه
*******
أقعدي يا خيتي
وخليكي معاي
قوليلي روضتيه
كيف وإزاي
وفيه اللي إتكلم
كيف اللي سكت
وآديها ماشيه
والعيشه نكد
شوقتيني وبلاها
كسوف
نفسي ف كلمه
حلوه
وبلاش خليها
للظروف
والعمر عدي
وفات
ومداري البدر
ف الخسوف
فعلاً الطراوه
بحري
والدلع علاج
موصوف
********
الشاعر محمد علي فرغلى احمد
معلم خبير بمدرسة أبوتيج الصناعيه العسكريه بنين
ليست هناك تعليقات:
إرسال تعليق