بقلم/ عماد الأبنودي
********
ست اااالكل يا عظيمة
شايلك بقلبي ألف جميلة
يا ماليه الحب بحياتي
يااا مولاتي ...........!
بأتوه في حضنك م ضمه
و هموم تغيب بقلبك ياما
بأتمني ليكي العمر عمرين
يا مغرقه روحي حنين
ع جسر الدنيا .. بأتنطط
مبسوط وياكي و بأزقطط
ومافيش ... هموم تعكرني
و مافيش ... أوجاع تهزمني
مادام أسمع قولة ابني
مرسايا أنتي .. و هنايا
و شط أفراحي .. و منايا
المر في أيدك دايما سكر
و السكر شهد دوماً يكتر
و يحلي حياتي و سنيني
يا نور عيني حبك مكفيني
كلام الحب ... ده شوية
و لو بأيديا أوهبلك ضي عينيا
و الضم لك نجوم الليل تيجان
و أجيبلك كل ورود البستان
يا أول تاتا في خطواتي
و صندوق سعادتي لذكرياتي
جمال الحياة في عينيكي
و سندة الأولي كانت ايديكي
مسنود قلبي تملي بحبك
و وريدي نبضه منك و ليكي
اسمحيلي الآن أهديكي ...
باقة حبي وياها قبلاتي
ربنا يخليكي دايما ليا
يا حبيبتي يا مولاتي
ياااااا أمي ...........!
بقلم
عماد الأبنودي
21 , 3 , 2023
ليست هناك تعليقات:
إرسال تعليق